60 nasielenych punktaŭ u Hrodzienskaj vobłaści byli adklučanyja 22 listapada ad elektraenierhii.
Jak paviedamlaje Hrodzienskaje abłasnoje ŭpraŭleńnie MNS, 22 listapada ŭ 09.50 pastupiła paviedamleńnie ab adklučeńni elektraenierhii ŭ 47 nasielenych punktach Hrodzienskaha i 13 nasielenych punktach Śvisłackaha rajonaŭ. Biez elektrazabieśpiačeńnia zastavalisia 3 małočnatavarnyja fiermy (vioski Žukievičy, Rahačy, Adelsk) Hrodzienskaha rajona. Abjekty zabieśpiačeńnia žyćciadziejnaści ŭ zonu adklučeńnia nie patrapili.
Dla adnaŭleńnia elektrazabieśpiačeńnia pracavali 20 bryhad elektryčnych sietak (51 čałaviek na 22 adzinki techniki).
Pryčyna adklučeńnia - nalipańnie mokraha śniehu i abryŭ elektryčnych dratoŭ. Pa stanie na 06.00 23 listapada zastavalisia bieź śviatła 20 nasielenych punktaŭ Hrodzienskaha rajona. Elektrazabieśpiačeńnie MTF adnoŭlena.
Kamientary