Ukraina budzie vyrablać svaje kryłatyja rakiety i vysokadakładnyja ŭzbrajeńni, jakija buduć zamoŭlenyja dla nacyjanalnych uzbrojenych sił, skazaŭ u aŭtorak prezident Ukrainy Piatro Parašenka.
Hetuju zajavu Parašenka zrabiŭ padčas sustrečy z pracaŭnikami Dnieprapiatroŭskaha mašynabudaŭničaha zavodu «Južmaš», paviedamiła ahienctva UNIAN. Z hetaj metaj prezident uniasie źmieny ŭ dziaržaŭnuju abaronnuju zamovu.
U žniŭni ŚMI paviedamili pra raspracavany na «Južmašy» prajekt ukrainskaj kryłataj rakiety «Koršun-2», jakaja budzie mieć dalokaść da 280 km i masu bajehałoŭki 480 kh. Pa charaktarystykach «Koršun-2» atrymlivajecca vielmi padobnym da rasiejskich udarnych kompleksaŭ «Iskander», na niemahčymaść atrymać jakija ad RF skardziŭsia Alaksandr Łukašenka padčas svajoj apošniaj pres-kanfierencyi.
Takim čynam, ukrainski kompleks moža być varyjantam, jaki ŭ budučyni pamienšyć vajskova-techničnuju zaležnaść Biełarusi ad RF. Raniej Biełaruś i Ukraina razam stvarali inšyja bajavyja rakietnyja sistemy — naprykład, supraćtankavy kompleks «Šeršań», zienitny kompleks «Stylet».
U miežach hetych prajektaŭ ukraincy rabili rakiety, a biełarusy — sistemy supravadžeńnia i naviadzieńnia.
«Va Ukrainy jość davoli raspracavany prajekt «Koršun-2». Ale nie chapiła u svoj čas hrošaj. Kali my pačniem pracu ŭ kaapieracyi, to zmožam atrymać rakiety z dalokaściu 500 km, a nie 300, jak toje praduhledžana damovami pa rakietnych technałohijach», — adznačyŭ zasnavalnik analityčnaha praektu Belarus Security Blog Andrej Paratnikaŭ.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy70
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary