U aŭtorak, 21 kastyčnika, u Barysavie projdzie matč 3-ha tura hrupavoha raŭndu Lihi čempijonaŭ pamiž BATE i danieckim «Šachcioram».
BATE rychtujecca da hulni suprać danieckaha «Šachciora» «ŭ štatnym režymie sa zvyčajnymi padvodziačymi treniroŭkami», paviedamiŭ hałoŭny trenier barysaŭčan Alaksandr Jermakovič 20 kastryčnika na pres-kanfierencyi na «Barysaŭ-Arenie».
«Asablivaj matyvacyi nie treba — usie i tak razumiejuć uzrovień sapiernika i turniru, u jakim hulajem», — zajaviŭ Jermakovič.
Pavodle słoŭ treniera, z-za traŭm u matčy nie buduć brać udzieł adzin ź lidaraŭ BATE abaronca Jahor Filipienka i forvard Vital Radzivonaŭ. Astatnija futbalisty rychtujucca da hulni z čempijonam Ukrainy.
Adkazvajučy na pytańnie, ci zahladvaje jon časta ŭ turnirnuju tablicu hrupy Lihi čempijonaŭ, dzie BATE pakul zajmaje druhoje miesca, nastaŭnik barysaŭčan zaznačyŭ: «Nie zahladvaju. Ja jaje i tak viedaju. Razumieju, što mnohich ździŭlaje ciapierašniaje stanovišča ŭ našaj hrupie. Ale kudy bolš važna, kab jano zachavałasia i paśla šaści turaŭ. Heta ž usio chutka i kardynalna moža źmianicca».
Nahadajem, što ŭ BATE u pieršym tury razhromna prajhraŭ u haściach «Portu» ź likam 0:6, a ŭ druhim tury ŭ Barysavie pieramoh «Atletyk» ź likam 2:1. «Šachcior» dvojčy z «Atletykam» i «Portu» zhulaŭ uničyju.
Paśla 2-ch turaŭ: Portu — 4, BATE — 3, Šachcior — 2, Atletyk — 1.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA1
Kamientary