Žanr: tryler, drama, detektyŭ.
Režysier: Devid Finčer.
U rolach: Bien Aflek, Rozamund Pajk, Nił Patryk Charys, Kim Dzikiens, Emili Ratažkoŭski, Kery Kun.
ZŠA, 149 chv.
Nik i Emi Dan dva hady žyvuć u nievialikim haradku ŭ štacie Misury, pierajechaŭšy tudy ź Ńju-Jorka. Jany źbirajucca śviatkavać piacihodździe šlubu, kali Emi raptam źnikaje.
Zastajucca tolki ślady baraćby ŭ domie, kroŭ, jakuju vidavočna sprabavali ścierci, i łancužok «klučoŭ» u hulni pad nazvaj «Palavańnie za skarbami»: pryhožaja, razumnaja i nievierahodna vynachodlivaja žonka štohod stvarała takuju hulniu dla muža. I padobna, što tolki hetyja «klučy» dajuć šaniec pralić śviatło na los źnikłaj.
Novy film kultavaha amierykanskaha režysiora Devida Finčara («Bajcoŭski kłub», «Dziaŭčyna z tatuiroŭkaj drakona») hetaksama, jak i papiarednija stužki, zasnavany na knizie i źjaŭlajecca ekranizacyjaj adnajmiennaj kryminalnaj dramy Hilian Flin. Film admietny zakručanym dramatyčnym siužetam, vydatnaj režysuraj i stylovaj padačaj materyjału. U centry siužeta — składanyja adnosiny pamiž mužam i žonkaj, jakija pryvodziać da padmanu i niepapraŭnych vynikaŭ.
Kamientary