Ukraina i ES na hod adkładuć prymianieńnie Pahadnieńnia ab asacyjacyi ZAJAVA
Prymianieńnie pahadnieńnia ab asacyjacyi pamiž Ukrainaj i ES budzie adkładziena na hod — da 31 śniežnia 2015 hoda.
Pra heta havorycca ŭ sumiesnaj zajavie kamisara ES pa pytańniach handlu Kareła de Hiuchta, ministra ekanamičnaha raźvićcia Rasii Alaksieja Ulukajeva i ministra zamiežnych spraŭ Ukrainy Paŭła Klimkina.
«Kab być zdolnaj całkam padtrymać stabilizacyju Ukrainy, Kamisija hatovaja ŭ vypadku ratyfikacyi Ukrainaj Pahadnieńnia ab asacyjacyi ź ES prapanavać dadatkovuju hnutkaść», — napisana ŭ zajavie.
«Takaja hnutkaść budzie zaklučacca ŭ adterminoŭcy da 31 śniežnia 2015 časovaha prymianieńnia zony svabodnaha handlu, praciahnuŭšy aŭtanomnyja handlovyja miery ES dla pieravahi Ukrainy na hety pieryjad», — napisana ŭ zajavie.
Baki adznačyli, što praciahnuć kansultacyi adnosna zaniepakojenaściaŭ, vykazanych Rasijaj, a prahres u pieramovach pa hetych pytańniach budzie aceńvacca padčas trochbakovych ministerskich sustreč.
«Praces pavinien być častkaj usiebakovaha mirnaha pracesu va Ukrainie, z pavahaj prava Ukrainy vyrašać svoj los, a taksama jaje terytaryjalnaj cełasnaści», — napisana ŭ zajavie.
U dakumiencie taksama adznačajecca, što Rasija i Ukraina paćvierdzili, što praciahnuć prymianieńnie prefierencyj režymu svabodnaha handlu ŭ ramkach SND.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary