Niedaloka ad horada ŭ Danieckaj vobłaści zafiksavanyja 60 rasijskich tankaŭ, paviedamlaje TSN.ua. Jak adznačajecca, sałdaty pierafarbavali techniku ŭ kolery tak zvanaj «Novarosii». Ciapier rasijskija bajavyja hrupy adpraŭlajucca z Novaazoŭska ŭ Maryupal.
Jany abstralali ź minamiotaŭ błakpost ukrainskich siłavikoŭ u siale Biezymiannaje. Pavodle raźviedki, rasiejcy zamacavalisia ŭ hetym siale i ciapier znachodziacca za 20 km ad Maryupala.
«Nam davodzicca ŭvieś čas mianiać pazicyi, bo karekciroŭščyki navodziać na nas ahoń praciŭnika. My tolki što zatrymali karekciroŭščyka, jaki navodziŭ na nas ŭstanoŭku «Hrad», - raspaviadaje adzin z ukrainskich bajcoŭ.
«Z boku Rasii zajšło 50 tankaŭ, a ŭ nas 7 RPH. Usio, bolš ničoha ŭ nas suprać tankaŭ niama. Jość jašče «Muchi» i AKM 62-ha hoda vypusku», — kaža inšy vajskoviec.
Pa słovy ŭkrainskich sałdat, nijakija «apałčency» suprać ich nie vajujuć. «Idzie rasijskaje ŭvarvańnie, heta adnaznačna. My ŭčora ŭ hetym pierakanalisia, kali ŭ Novaazoŭsk uvajšli rasiejskija tanki z rasiejskimi ściahami i sałdatami», — raskazvajuć vajskoŭcy.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary