Ministr zamiežnych spraŭ Siarhiej Łaŭroŭ pieraličyŭ sajuźnikaŭ Rasii ŭ śviecie. Pavodle jaho słoŭ, u ich lik uvachodziać členy arhanizacyi Damovy ab kalektyŭnaj biaśpiecy [Biełaruś —udzielnica ADKB], partniory Rasii pa Jeŭrazijskich intehracyjnych prajektach, Šanchajskaja arhanizacyja supracoŭnictva, BRIKS.
Ab hetym kiraŭnik dypłamatyčnaha viedamstva zajaviŭ padčas sustrečy z udzielnikami Usierasijskaha maładziožnaha forumu «Sielihier-2014».
Pry hetym ministr padkreśliŭ, što Rasija nie bačyć ničoha drennaha ŭ tym, što jaje sajuźniki pa niekatorych pytańniach prytrymlivajucca adroznaha ad Maskvy mierkavańnia. «Voś, naprykład, NATA hałasuje adzinym błokam zaŭsiody i ŭsiudy. A chto ŭ Rasii sajuźniki? U nas šmat sajuźnikaŭ. I kali nam kažuć, što voś vašy sajuźniki pa ADKB nie zaŭsiody hałasujuć razam z Rasijaj va ŭnison, my nie robim z hetaha nijakaj trahiedyi. U adroźnieńnie ad NATA, dzie luby krok u bok, lubaja demanstracyja inšadumstva nie zastajecca biez pakarańnia», — adznačyŭ jon.
Taksama Łaŭroŭ zajaviŭ, što na Rasiju napadajuć bolš čym na inšych, «praz što my nie saromiejemsia vykazvać svoj punkt hledžańnia».
Kiraŭnik MZS padkreśliŭ, što Maskva nie zacikaŭlena ŭ kanfrantacyi z Zachadam i «nahniatańni sankcyjnaj śpirali».
«Mahu tolki adznačyć, što zadoŭha da Ukrainy napadki na Rasijskuju Fiederacyju stali nabyvać zusim nieadekvatny charaktar. Usio pačałosia značna raniej, čym viasnoj hetaha hoda», — padkreśliŭ jon.
U jakaści prykładu kiraŭnik MZS pryvioŭ situacyju ŭ Siryi.
«Ciapier budzie cikava pasłuchać ludziej, jakija kazali pra toje, što z Asadam bolš spravu mieć nie budziem, a siońnia vyśviatlajecca, što ź im volaj abo niavolaj daviadziecca supracoŭničać, kali my chočam pieramahčy terarystaŭ z «isłamskaj dziaržavy»», — adznačyŭ jon.
U liku inšaha Łaŭroŭ zajaviŭ, što ZŠA i Jeŭrasajuz akazvajuć pieraškody dziejańniam Rasii pa spynieńni suśvietnych pahroz.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary