MUS inicyjuje šerah źmianieńniaŭ u zakanadaŭsta pa pytańniach biaśpieki darožnaha ruchu
Pa daručeńni ministra ŭnutranych spraŭ Biełarusi Ihara Šunieviča padrychtavany i nakiravany dla razhladu ŭ Hienieralnuju prakuraturu, Viarchoŭny sud i Ministerstva justycyi zakonaprajekt, jaki praduhledžvaje niaŭchilnaje vykanańnie zabarony na kiravańnie transpartnymi srodkami asobami, jakija nie majuć takoha prava, prafiłaktyku takich pravaparušeńniaŭ, paviedamili BiełaPAN u MUS.
Prapanoŭvajecca ŭ vypadku kiravańnia ŭ pieryjad pazbaŭleńnia takoha prava termin pazbaŭleńnia padličvać z momantu ŭčynieńnia pravaparušeńnia. Nižniuju miažu štrafu za pravaparušeńnie — pavialičyć u dva razy. Vyklučyć mahčymaść prymianieńnia nižniaj miažy štrafu, kali asoba ŭčyniaje tyja ž dziejańni paŭtorna na praciahu hoda.
Dla dakładu kiraŭniku dziaržavy ŭ Administracyju prezidenta nakiravany prajekt ukaza, jaki praduhledžvaje dakładnaje zamacavańnie paradku pierastrajeńnia z tramvajnych puciej, pašyreńnie pieraliku elemientaŭ darohi, uviadzieńnie novych vidaŭ raźmietki dla viełasipiedystaŭ i šerah inšych novaŭviadzieńniaŭ.
U MUS taksama paviedamili, što sioleta ŭ prajekt pastanovy Ministerstva achovy zdaroŭja «Ab zaćviardžeńni instrukcyi ab paradku abaviazkovaha miedycynskaha ahladu kandydataŭ u vadzicieli miechaničnych transpartnych srodkaŭ i abaviazkovaha miedycynskaha pieraahladu vadzicielaŭ miechaničnych transpartnych srodkaŭ» uniesieny pryncypova novy punkt. Jon praduhledžvaje, što źviestki ab asobach, pryznanych pa vynikach ahladu i pieraahladu niepryhodnymi da kiravańnia abo majučymi patrebu ŭ pazačarhovym miedycynskim ahladzie, nakiroŭvajucca vadzicielskimi kamisijami ŭ padraździaleńni DAI na praciahu troch pracoŭnych dzion paśla atrymańnia infarmacyi ab źjaŭleńni ŭ vadziciela miedycynskich pakazańniaŭ da kiravańnia.
U Ministerstvie ŭnutranych spraŭ nahadali, što 28 lipienia nabyŭ moc zakon «Ab uniasieńni dapaŭnieńniaŭ i źmianieńniaŭ u niekatoryja zakony pa pytańniach arhanizacyi biaśpieki darožnaha ruchu». Jon vyznačaje novyja padychody da vyjaŭleńnia parušeńniaŭ praviłaŭ spynieńnia i stajanki transpartnych srodkaŭ z vykarystańniem fotafiksacyi, a taksama prymusovaj adbuksiroŭki i evakuacyi transpartnych srodkaŭ.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach1
Kamientary