Łukašenka raspavioŭ pra sakret dobraha ŭradžaju, pachvaliŭ Šapiru, paŭščuvaŭ Miaśnikoviča
Alaksandr Łukašenka padkreślivaje, što hałoŭnym składnikam ŭ atrymańni dobraha ŭradžaju źjaŭlajecca najstrohaje vykanańnie technałohij i efiektyŭnaja arhanizacyja sielhasrabot.
Ab hetym kiraŭnik dziaržavy zajaviŭ siońnia ŭ čas rabočaj pajezdki ŭ Minski rajon.
Łukašenka naviedaŭ zbožžavaje pole, jakoje naležyć AAT «1-ja Minskaja ptuškafabryka», dzie aznajomiŭsia z užyvańniem intensiŭnych technałohij vyroščvańnia azimaha trycikale. Bijałahičnaja ŭradžajnaść hetaha ŭčastka składaje bolš za 107 c/ha, a faktyčnaja pry ŭborcy blizkaja da 100 c / ha. Jak paviedamili kiraŭniku dziaržavy, akramia spryjalnych umoŭ nadvorja pryčyna takoha pośpiechu zaklučajecca ŭ vykanańni ŭsich technałahičnych aśpiektaŭ, pačynajučy ad padkormki i ŭniasieńnia uhnajeńniaŭ da svoječasovaj apracoŭki suprać pustaziella.
«Voś tak, Siamion Barysavič (staršynia Minskaha abłvykankama Siamion Šapira), usio ŭ technałohii i arhanizacyi, a nie ŭ hrošach, kantroli, kamisijach Miaśnikoviča. Svoječasova zrabiŭ — atrymaŭ.
Tak, mohuć paŭpłyvać ŭmovy nadvorja, ale hałoŭnaje — heta technałohija», — padkreśliŭ Łukašenka.
Kamientary