Deklaracyja ab suverenitecie zastałasia hałoŭnym jurydyčnym dakumentam Biełarusi
27 lipienia adznačałasia hadavina pryniaćcia Deklaracyi ab dziaržaŭnym suverenitecie Biełarusi. Z 1991 pa 1996 hh. hety dzień niebiespadstaŭna adznačaŭsia jak Dzień niezaležnaści Respubliki Biełaruś.
Miž inšym, kali hladzieć na sytuacyju ź jurydyčnaha punktu hledžańnia, padumałasia voś što.
Luby prafesijanalny i sumlenny juryst skaža vam, što zakonnaść siońniašniaj Kanstytucyi Biełarusi znachodzicca pad vialikim sumnievam, uličvajučy, što źmieny 1996 i 2004 hh. pryniatyja ź vidavočnymi parušeńniami.
Adpaviedna, i siońniašnija orhany ŭłady sfarmavanyja nie ŭ adpaviednaści z zakonam: prezydent musiŭ być pieraabrany ŭ 1999 h. (ale vybaraŭ nie było); a parlament jak taki sfarmavany pavodle Kanstytucyi-1996, dy jašče štoraz ź vidavočnymi parušeńniami demakratyčnych standartaŭ. A značycca i pryniatyja hetymi orhanami ŭłady zakonadaŭčyja akty taksama majuć sumniŭnuju jurydyčnuju siłu.
Takim čynam,
z fundamentalnych, «systemaŭtvaralnych» zakonadaŭčych aktaŭ Deklaracyja ab suverenitecie - adzinaja, što zastajecca ŭ sile i pavodle ducha prava, i pavodle farmalnych łukašenkaŭskich zakonaŭ.
Tak što navat kali siońnia nie sapraŭdny Dzień niezaležnaści Biełarusi (pra što kažuć Z. Paźniak i S. Navumčyk), dyk prynamsi
dzień źjaŭleńnia hetaha važnaha histaryčnaha dakumenta, jaki ŭ budučyni zmoža zrabicca niejkaj jurydyčnaj «adpraŭnoj kropkaj» pry niejkaj, ujavim sabie, palityčnaj narmalizacyi ŭ Biełarusi.
P.S. Nikoli nie hublali svajoj jurydyčnaj siły i try Ŭstaŭnyja Hramaty BNR - hetaksama jak zastajecca aktualnaj i zadača praviadzieńnia reprezentatyŭnaha biełaruskaha Ŭstanoŭčana Sojma (ras. «učrieditielnoje sobranije») dla napisańnia narmalovaj Kanstytucyi i dla, tak by mović, «zapuska» demakratyčnych dziaržaŭnych instytutaŭ. Ale heta asobnaja historyja.
P.P.S. Sapraŭdny Dzień niezaležnaści Biełarusi — biassprečna, 25 sakavika. U hety dzień u 1918 hodzie Biełaruś była ŭpieršyniu abvieščanaja niezaležnaj demakratyčnaj dziaržavaju, i mienavita ad 25 sakavika 1918 hoda jana bieśpierapynna isnuje ŭ jakaści de-jure abo de-fakta niezaležnaha subjekta. Heta histaryčny fakt.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami12
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary