Jak vyśvietliłasia, na čas fiestyvalu hurt zastaniecca biez abodvuch hitarystaŭ.
Adzin z patencyjnych chedłajnieraŭ sioletniaha «Basovišča», hurt Neuro Dubel nie zdoleje vystupić na fiestyvali, choć i byŭ zajaŭleny arhanizatarami.
«Naš hitaryst Vital Abramovič paralelna hraje ŭ Gods Tower, — tłumačyć situacyju lidar kalektyvu Alaksandr Kulinkovič. — I akurat 18-ha — u adziny dzień, kali my možam vystupić na «Basoviščy», jon hraje niedzie ŭ Rasii. A Uładzimir Sachončyk (druhi hitaryst — zaŭv. Jeŭraradyjo) u hety čas źjazdžaje. Atrymlivajecca, u nas niama dvuch hitarystaŭ. Usie hetyja akaličnaści vyśvietlilisia ŭ apošni momant. A ja ž nie rabaŭładalnik — ja ž nie mahu jamu zahadać admianić adpačynak!»
Mahčymaść zamianić hitarystaŭ siesijnymi muzykami Kulinkovič adprečvaje, maŭlaŭ, za dva tydni niemahčyma padniać paŭtarahadzinnuju prahramu. I zaprašaje prychilnikaŭ na kancert Neuro Dubel u Dudutkach 19 lipienia, kali Vital Abramovič užo vierniecca z hastrolaŭ.
Kamientary