Paŭnavartasny kurortny siezon u anieksiravanym Krymie tak i nie pačaŭsia, niahledziačy na abiacańni krymskaj ułady: pa stanie na 8 červienia plažy zachodniaha ŭźbiarežža paŭvostrava pa-raniejšamu zastajucca pustymi.
Jak paviedamlaje sajt Krym.Riealii, u niadzielny dzień na plaž u Piasčanym pryjechali tolki niekalki dziasiatkaŭ simfieropalcaŭ.
Niekalki miascovych žycharoŭ chadzili vakoł zakrytych letnich kafe, jakija, pa ich słovach, navat adkryvać niama sensu.
«Dziela kaho adčyniacca? Miascovyja chitryja, pryjazdžajuć z usim svaim, a turystaŭ tut nie vidać», — kažuć uładalniki prybiarežnych kafe.
Raniej krymskija ułady paviedamili ab źnižeńni ŭ 2-2,5 razy kolkaści turystaŭ, jakija naviedali Krym u pieryjad majskich śviataŭ.
U ciapierašni čas prahnazujemy pakazčyk turystyčnaha patoku skaraciŭsia da 3 miljonaŭ čałaviek, tady jak jašče ŭ pačatku krasavika ŭ krymskim «uradzie» prahnazavali kolkaść u 8 miljonaŭ turystaŭ pa vynikach 2014 hoda.
Kamientary