Milicyjanty pravodziać pieratrus u kvatery babrujskaha błohiera Aleha Žaŭnova.
Infarmacyju pra pieratrus paćvierdziła žonka Žaŭnova Jaŭhienija:
«Muž ź imi tam u zale. Ich tut 7 čałaviek».
«4 lutaha jon zachodziŭ u budynak milicyi i niešta vykazaŭsia ŭ tym sensie, što ŭsio moža vybuchnuć. Jany chočuć znajści videazapis razmovy z supracoŭnikami milicyi», — paviedamiła Jaŭhienija.
Jana kaža, što paśpieła pračytać u ordery na pieratrus tolki toje, što apieracyja prachodzić u miežach kryminalnaj spravy. Jaŭhienija nie viedaje, pavodle jakoha artykułu zaviedzienaja hetaja sprava.
Paniataja paviemiła, što na dadzieny momant milicyjanty nie kažuć, ci zatrymajuć jany Aleha Žaŭnova.
Žaŭnoŭ staŭ viadomy paśla kanfliktu z supracoŭnikami babrujskaj DAI, jaki adbyŭsia 4 vieraśnia 2013 hoda ŭ budynku Dziaržaŭtainśpiekcyi. Žaŭnoŭ z synam paličyli, što aŭtamabil DAI staić na chodniku, čym parušaje Praviły darožnaha ruchu. Pra heta jany zajavili ŭ adździeł milicyi, pry hetym fiksavali ŭsio na videa.
U vyniku kanfliktu Žaŭnova i jahonaha syna z vykarystańniem siły zatrymali. Paśla na abodvuch vypisali štraf za pieraškodu darožnamu ruchu, a samoha błohiera abvinavacili ŭ niepadparadkavańni pracaŭnikam milicyi.
Kryminalnuju spravu suprać Žaŭnova raspačali 7 lutaha 2014-ha. Jaho vinavaciać pavodle artykuła Kryminalnaha kodeksu «publičnaja abraza pradstaŭnika ŭłady ŭ suviazi z vykanańniem im słužbovych abaviazkaŭ».
Kamientary