U Biełarusi žyvuć prykładna 20 tysiač čałaviek, asabisty kapitał jakich pieravyšaje miljon dołaraŭ. Takaja acenka kiraŭnika minskaha «A-Kłuba» ZAT «Alfa-Bank» Alaksieja Macukina, paviedamili ŭ kamunikacyjnym ahienctvie AHT.
Dołaravyja miljaniery ŭ Biełarusi składajuć 0,2% nasielnictva krainy. «Heta praktyčna supadaje ź siaredniesuśvietnym pakazčykam. Pry hetym u Biełarusi adsutničaje prablema sacyjalnaj niaroŭnaści, a majomaść bahatych ludziej krainy nielha nazvać astranamičnaj», — zaznačyŭ ekśpiert.
Za apošnija dva hady kolkaść miljanieraŭ u Biełarusi vyrasła ŭ paŭtara-dva razy. «Heta byŭ pieryjad upeŭnienaha rostu kapitału, pry jakim navat kansiervatyŭnyja instrumienty inviestavańnia vałodali dastatkova vysokaj zhodna z suśvietnymi mierkami dachodnaściu», — rastłumačyŭ kiraŭnik «A-Kłuba».
Bolšaść miljanieraŭ žyvuć u Minsku. Jak praviła, heta ŭładalniki biźniesu, bienieficyjary, kiraŭnickija partniory. Najomnyja rabotniki siarod miljanieraŭ sustrakajucca vielmi redka. Zamožnyja ludzi aktyŭna karystajucca bankaŭskimi instrumientami, u pieršuju čarhu depazitnymi.
Pavodle słoŭ ekśpierta, pieravažnaja bolšaść miljanieraŭ źjaŭlajucca etničnymi biełarusami. U krainie jość niamała pryvatnych inviestaraŭ z Rasii, Vialikabrytanii, Ispanii i Francyi. Sustrakajucca taksama dołaravyja miljaniery ź Jehipta, Indyi i inšych krain.
Zamožnyja ludzi ŭ Biełarusi viaduć zdarovy sposab žyćcia i zajmajucca aktyŭnymi vidami sportu. «Bolšaść ź ich ludzi spakojnyja i navat ścipłyja. Jany šmat čytajuć, cikaviacca historyjaj i kulturaj, kalekcyjanujuć pradmiety mastactva», — raskazaŭ Macukin.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary