Hazieta «Vo słavu Rodiny» zrabiła biełaruskich strajkbalistaŭ «jeŭrapiejskimi bajevikami ŭ Siryi»
Fotazdymkam z knižnaj kramy prailustravali artykuł pra vajnu
Siońnia na sajcie biełaruskaj vajskovaj haziety «Vo słavu Rodiny» źjaviŭsia artykuł Uładzimira Kažeŭnikava «Siryja zdolna ŭzarvać Jeŭropu». Cikaŭnaść vyklikaje ilustracyja da artykuła, dzie možna ŭbačyć 6 mužčyn u formie i sa zbrojaj krain-udzielnic NATA. Podpis pad fota: «jeŭrapiejskija bajeviki ŭ Siryi».
Adnak na zadnim płanie fatazdymka bačny płakat biełaruskaha knižnaha anłajn-hipiermarkieta OZ.BY i palički z knihami. Vidvočna, fota była zroblenaje ŭ adnoj z kramaŭ OZ.BY, raźmieščanych u Minsku.
U vyniku pošuku nie atrymałasia znajści aryhinalny fotazdymak, adnak hetaje ž fota fihuruje ŭ jakaści ilustracyi da artykułaŭ pra najmitaŭ na niekalkich rasijskich i ŭkrainskich sajtach, u jakich taksama ŭzhadvajecca Siryja. U kamientarach da adnaho z takich artykułaŭ karystalnik ź Biełarusi paznaŭ na fota minskich strajkbalistaŭ.
U infarmacyjnym ahienctvie «Vajar» paviedamili, što aŭtar sam vybiraje ilustracyju da publikacyi. Nažal, źviazacca z aŭtaram pakul nie ŭdałosia.
Na momant publikacyi fatazdymak z sajta haziety prybrali.
Daviedka NN:
Strajkboł — kamandna-taktyčnaja hulnia, u jakoj hulcy vykarystoŭvajuć kopii realnaj zbroi, što stralajuć płastykavymi šarykami.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary