96 hadoŭ tamu, 25 sakavika 1918 h., a 8-j ranicy ŭ akupavanym niemcami Minsku, ŭ budynku pa adrasie Sierpuchaŭskaja, 9 (siońniašniaja Vaładarskaha, 9) była abvieščana niezaležnaść Biełaruskaj Narodnaj Respubliki.
Heta padzieja mieła vialikaje značeńnie. U adkaz balšaviki vymušanyja byli stvaryć BSSR, i koła historyi zavarušyłasia.
Praz 73 hady, u 1991 hodzie, niezaležnaść stała realnaściu.
Pieršy Dzień Voli adznačaŭsia ŭ Miensku ŭžo ŭ 1920 h., jaho masava adznačała moładź u Zachodniaj Biełarusi ŭ 1920-1930-ja hady, 25 Sakavika było hałoŭnym śviatam na emihracyi.
U sučasnaj Biełarusi demakratyčnaja hramadskaść tradycyjna ładzić u hety dzień šeście i mitynh.
Ciapier Dzień Voli adznačajecca ŭ farmacie šeścia ad kinateatra «Kastryčnik» da Parka Družby narodaŭ.
Siońnia, u aŭtorak, zbor udzielnikaŭ akcyi pačniecca a 18.00 kala kinateatra «Kastryčnik» (stancyja mietro «Akademija navuk»), zatym adbudziecca šeście pa praśpiekcie Niezaležnaści i vulicy Surhanava da parku Družby Narodaŭ, dzie z 19.30 da 20.00 pavinien prajści mitynh. Arhanizatary zaklikali prynosić ukrainskija ściahi, u znak salidarnaści z bratnim narodam.
U Vilni na 25 sakavika zapłanavanyja try ŭračystaści.
Z 12:00 da 12:30 adbudziecca ŭskładańnie kvietak padpisantam Akta Niezaležnaści Biełaruskaj Narodnaj Respubliki 25 sakavika 1918 hoda na mohiłkach Rosy.
U Sojmie Litoŭskaj Respubliki adbudziecca dyskusija «Dzień Voli ŭ Biełarusi. Ciapierašniaja situacyja, čakańnie pierśpiektyvy». Čas i miesca: 14:00 – 16:00, Sojm Litoŭskaj Respubliki (Gedimino pr. 53), zała dla pres-kanfierencyj.
Viečaram — śviatočny kancert Paliny Respubliki i vystup studentaŭ EHU u miežach prajekta «Belarusian Dream Theatre». Čas i miesca: 18:30 – 20:00, Užupio kavinė (Užupio g. 2).
Sa Śviatam, čytačy!
Kamientary