Ministr zamiežnych spraŭ Šviecyi Karł Bilt paraŭnaŭ adchilenaha ad ułady prezidenta Ukrainy Viktara Janukoviča z narviežskim kałabarantam časoŭ Druhoj Suśvietnaj vajny.
«Va Ukrainy zaraz jość ułasny Kviślinh. Siadzić na čužoj terytoryi i prosić čužuju armiju viarnuć jamu jaho krainu», — napisaŭ ministr u tvitary, majučy na ŭvazie Vidkuna Kviślinha — lidera narviežskich nacyjanał-sacyjalistaŭ, jaki byŭ staŭlenikam nacystaŭ padčas akupacyi krainy.
Takuju zaŭvahu Karł Bilt zrabiŭ paśla taho, jak stała viadoma ab prośbie Janukoviča da rasijskich uładaŭ zabiaśpiečyć mir na Ukrainie. Zvarot Janukoviča začytaŭ pastajanny pradstaŭnik RF pry AAN Vitalij Čurkin padčas ekstrannaha pasiadžeńnia Rady biaśpieki AAN u noč na 4 sakavika.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary