Byłoha kiraŭnika «Pinskdreva» Aryniča znoŭ chočuć ekstradziravać u Biełaruś
Ale nie viadoma, u jakoj krainie jon znachodzicca.
«Jak miarkujecca, Łaran Arynič znachodzicca ŭ Italii. Ale dakładnaje miescaznachodžańnie jaho nie viadoma. Na pres-kanfierencyi letam ja infarmavaŭ, što polski bok jaho vyzvaliŭ z-pad varty. Zatym jon byŭ zatrymany ŭ Italii. Paśla admovy ŭ vydačy my ciaham dvuch tydniaŭ znoŭ nakiravali patrabavańnie ź jaho vydačaj, na jakoje nie atrymali adkazu da siońnia. My nie pakidajem nadziei jaho atrymać. I ŭ pačatku hetaha hoda nakiravali italjanskim kampietentnym orhanam adpaviedny napamin i paŭtaryli prośbu pra vydaču»,
— paviedamiŭ namieśnik hienieralnaha prakurora Biełarusi Alaksiej Stuk.
Na byłoha kiraŭnika «Pinskdreva» Łarana Aryniča zaviali kryminalnuju spravu ŭ 2010 hodzie. Tady paśla pažaru na pradpryjemstvie 14 čałaviek zahinuła, bolš za dvaccać atrymała traŭmy. Arynič nie znachodziŭsia pad vartaj, a tamu svabodna vyjechaŭ za miažu. Kali jaho abviaścili ŭ mižnarodny vyšuk, jon užo byŭ u Polščy. Tam jaho ŭziali pad nahlad palicyi i zabaranili vyjezd z krainy. Ale zatym pieraviali na chatni aryšt pad załoh u 2000 złotych. A na patrabavańnie jaho vydačy biełaruskamu boku tak i nie było adkazu.
U červieni 2013 Łarana Aryniča zatrymali ŭ Italii i źmiaścili pad vartu. Biełarusi jaho tak i nie vydali.
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali8
Kamientary