Kala siadziby BNF ludzi ŭ cyvilnym pierahladajuć zaplečniki i torby
Adbirajuć drukavanyja vydańni, šukajuć materyjały «Eŭrapiejskaha maršu».
Žurnalist Vadzim Aleksandrovič vyjšaŭ z Upravy BNF (byłaja Varvašeni 8) i zrazumieŭ, što za im sočać. Supracoŭniki specsłužbaŭ «viali» jaho, nia vielmi chavajučysia.
«Tady ja raźviarnuŭsia, i pajšoŭ im nasustrač z uśmieškaj, kab pahavaryć. Adnak jany havaryć nie chacieli, a patrabavali pakazać źmieściva sumki i zaplečnik.»
Kali milicyjanty ŭbačyli ŭ pakiecie hazety «Narodnaja Vola», jany pačali vychoplivać usio, što tam było. Takim čynam jany zabrali i niekalki asobnikaŭ časopisu «Chryścijanskaja dumka» za roznyja hady, nibyta kab spynić «niezakonny raspaŭsiud». Žurnalist «Našaj Nivy», jaki vypadkova prachodziŭ pobač, pasprabavaŭ zrabić fotazdymki, adnak ludzi ŭ cyvilnym ledź nie adabrali kameru. Jany nie zhadžalisia ni addać hazety i knihi, ni aformić pratakoł kanfiskacyi. Milicyjanty skazali, što «dziejničajuć na padstavie zahadu zabirać drukavanuju pradukcyju». Na pytańnie, pry čym tut relihijnaja litaratura, adkazali, što «vielmi chočuć pačytać». Padčas razmovy vyśvietliłasia, što suvoruju słužbu niasuć vielmi adukavanyja ludzi, jakija majuć pa dźvie vyšejšyja adukacyi i vielmi cikaviacca chryścijanstvam.
«Ja nie chacieŭ addavać im «Chryścijanskuju dumku», bo ŭ ich vačach bačyŭ chutčej djabła, čym Boha, — kaža Vadzim Aleksandrovič, — adnak jany dali słova, što pračytajuć časopisy. Ja vyrašyŭ addać, bo tak budzie pa‑chryścijansku. Spadziajusia, heta pojdzie im na karyść.»
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary