U Vilni, u Prezidenckim pałacy, 18 studzienia adkryłasia archieałahičnaja vystava, jakaja raskazvaje pra historyju ziamielnaha ŭčastka, na jakim ciapier znachodzicca Prezidencki pałac, paviedamlaje Delfi.lt.
U ekspazicyi pradstaŭlenyja archieałahičnyja znachodki z fondaŭ Litoŭskaha nacyjanalnaha muzieja, zroblenyja ŭ 1995—2008 hh. na terytoryi Prezidenckaha pałaca, zasialeńnie jakoj pačałosia ŭ XIV st.
Viadoma, što ŭ 1387 h. Jahajła zasnavaŭ Vilenskuju jepiskapat i daravaŭ jamu ŭčastak na terytoryi sučasnaha pałacavaha ansambla — «bliz horada Vilni, kala sadu Hoštovta». Pałaty Haštolda (Hoštovta) paźniej pierajšli ŭ vałodańnie katalickich biskupaŭ. Jepiskapski pałac nieadnarazova pierabudoŭvaŭsia i pašyraŭsia, a z 1795 hoda staŭ aficyjnaj rezidencyjaj hienierał-hubiernatara Paŭnočna-zachodniaha kraju. Tut spynialisia rasijskija impieratary, Napaleon, inšyja jeŭrapiejskija manarchi. Sučasnaje abličča budynak nabyŭ ŭ 1827 hodzie.
Na adkryćci vystavy ź lekcyjaj vystupiŭ archieołah Kiastucis Kacielinas.
Padčas raskopak na terytoryi Prezidenckaha pałaca było vyjaŭlena mnostva rečaŭ, jakija dziviać svajoj raznastajnaściu — vyraby z kości, juvielirnyja vyraby, roznyja pryłady pracy, kafla hatyčnaha pieryjadu, bytavaja kieramika, častki šklanoha posudu, abutak, vyraby sa skury i dreva XVI—XVII stst., reštki draŭlanych pabudoŭ — usio heta ilustruje unikalnuju historyju staroj častki Vilni.
Uvachod na vystavu — z ekskursavodam.
Biaspłatnyja ekskursii buduć arhanizavany pa piatnicach u 16.30, pa subotach i niadzielach z 9.00 da 14.30.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy68
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary