Eks-kiraŭnik MUS Ukrainy Juryj Łucenka trapiŭ u reanimacyju paśla taho, jak padčas sutyknieńniaŭ z aktyvistami Aŭtamajdanu jamu raźbili hałavu bajcy «Bierkuta» ŭ Kijevie.
Pra heta raspaviała jaho žonka, Iryna Łucenka. Pavodle jaje słovaŭ, udaraŭ było kala 10.
U Juryja Łucenki try padskurnyja hiematomy, zakrytaja čerapna-mazhavaja traŭma. Žonka paprasiła nie pomścić za muža, a «prymać uzvažanyja rašeńni».
Pa słovach vidavočcaŭ, Łucenka atrymaŭ udar dubinkaj pa hałavie, kali sprabavaŭ abaranić Irynu. Joj nibyta pieršaj dastałasia ad śpiecnazaŭcaŭ paśla taho, jak aktyvisty Aŭtamajdanu pačali razhojdvać aŭtobus z «Bierkutam».
U piatnicu, 10 studzienia, Kijeva-Śviatošynski rajsud vynies prysud fihurantam «Vasilkoŭskaj spravy» — pa šeść hadoŭ źniavoleńnia (aktyvisty płanavali ŭzarvać pomnik Leninu ŭ 2011 h. u horadzie Baryspal, im inkryminavali abychodžańnie z vybuchoŭkaj).
Paśla abviaščeńnia prysudu aktyvisty zabłakavali vyjezdy z dvara suda, kab nie dać pavieźci asudžanych. Pad sudom adbyłasia bojka pamiž mitynhoŭcami i «Bierkutam», padčas jakoj mocna paciarpieła niekalki aktyvistaŭ i žurnalistaŭ.
Aŭtamabili ŭdzielnikaŭ Aŭtamajdanu ŭ znak pratestu zabłakavali aŭtobusy «bierkutaŭcaŭ» na praśpiekcie Pieramohi. U čas supraćstajańnia ŭspychnuła bojka, u jakoj byŭ źbity Juryj Łucenka i jašče niekalki čałaviek.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary