Jahonaja palemika źjaviłasia ŭ novym, 67-m «Dziejasłovie».
U kramach «Akademkniha» i «Knižny sałon», a taksama ŭ kniharni «Ŭ» źjaviŭsia novy numar litaraturna-mastackaha časopisa «Dziejasłoŭ» za listapad – śniežań hetaha hoda. Jon staŭ 67-m pa ahulnaj numaracyi.
Na jakija publikacyi varta asabliva źviarnuć uvahu?
Z paezii – vieršy Ryhora Baradulina, Leanida Hałuboviča i Alesia Kamockaha.
Z prozy – dva apaviadańni Viktara Kaźko i siamiejnaja saha Paŭła Kaściukieviča «Płan Babarozy».
Na «dziejasłovaŭskija» staronki viarnuŭsia Andrej Fiedarenka z apovieściu «Dziadźka Adolf». Apošnim časam prazaik drukavaŭsia na staronkach dziaržaŭnych vydańniaŭ.
Pierakłady pradstaŭleny ŭryŭkami z apovieści Tarasa Šaŭčenki «Mastak», pierastvoranymi na biełaruskuju movu Valeram Strałko (darečy, učora jon adznačyŭ svajo 75-hodździe).
Aleś Paškievič (piśmieńnik, a nie historyk) razvažaje pra tvorčaść Masieja Siadniova, adnaho z najvybitniejšych tvorcaŭ biełaruskaj emihracyi.
A Piotra Sadoŭski spračajecca ź nihilistyčnymi idejami fiłosafa Valancina Akudoviča, vykazanymi ŭ knizie «Kod adsutnaści».
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary