26 listapada ŭ Homielskim abłasnym sudzie adbudziecca novy razhlad kryminalnaj spravy Alaksandra Hrunova.
Sudovaja kalehija pa kryminalnych spravach Viarchoŭnaha suda Biełarusi 22 kastryčnika ahučyła rašeńnie pa kasacyjnaj skarzie Alaksandra Hrunova, jakim admianiła śmiarotny prysud, vyniesieny Homielskim abłasnym sudom 14 červienia 2013 hoda.
Admianiŭšy śmiarotny vyrak, Viarchoŭny sud uličyŭ šerah akaličnaściaŭ, vykładzienych abaronaj padčas razhladu kasacyjnaj skarhi. Pra heta raspavioŭ Andrej Pałuda, kaardynatar kampanii «Pravaabaroncy suprać śmiarotnaha pakarańnia ŭ Biełarusi», jakaja ažyćciaŭlaje manitorynh sudovaha pracesu pa hetaj kryminalnaj spravie, paviedamlaje Spring96.org.
Sa słovaŭ pravaabaroncy, Viarchoŭny sud pryniaŭ pad uvahu jaŭku Hrunova z pavinnaj – toje, što nie było aceniena sudom pieršaj instancyi jak źmiakčajučaja vinu akaličnaść. Taksama abłasny sud paličyŭ asudžanaha biespracoŭnym, choć na toj momant jon pracavaŭ i u spravie byli dakumienty, jakija heta paćviardžajuć, - i heta było ŭličana padčas kasacyi. Byli ŭličany i stanoŭčyja charaktarystyki Hrunova ŭ materyjałach kryminalnaj spravy, jakija nie ŭličyŭ abłasny sud.
Miarkujecca, što 25-hadovy Alaksandr Hrunoŭ 20 vieraśnia 2012 hoda zabiŭ svaju znajomuju Natallu Jemialjančykavu.
Na sudzie jon patłumačyŭ, što dziaŭčyna za niekatory čas da sustrečy abraziła jaho ŭ kampanii znajomych ludziej i nie paprasiła prabačeńnia. Heta i stała pryčynaj ahresii. Hrunoŭ nanios achviary 102 nažavyja ranieńni.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym3
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary