Patreby Biełarusi ŭ zamiežnym finansavańni ŭzraście da 8 młrd. dołaraŭ. Taki prahnoz pryvodzicca ŭ ekanamičnym ahladzie, jaki padrychtavali ekśpierty Suśvietnaha banka.
Aŭtary ahladu čakajuć, što deficyt rachunku biahučych apieracyj płaciežnaha bałansu pavialičycca ŭ 2013 hodzie da 8,9% VUP (suprać 2,9% VUP u 2012 hodzie). U nastupnym hodzie, miarkujuć ekśpierty Suśvietnaha banka, deficyt rachunku biahučych apieracyj krychu źmienšycca (u suviazi z abmiežavańniem unutranaha popytu) i składzie 8,1%.
Vysokija pakazčyki deficytu rachunku biahučych apieracyj abumoviać rost patrebnaści Biełarusi ŭ źniešnim finansavańni, ličać aŭtary ahladu.
«Vałavyja patrebnaści ŭ źniešnim finansavańni (vyklučajučy karotkaterminovy doŭh), jakija rastuć z pryčyny značnych abaviazacielstvaŭ pa pahašeńni doŭhaterminovaha źniešniaha doŭhu (ŭklučajučy MVF), uzrastuć da 8 miljardaŭ dołaraŭ ZŠA, što akaža nacisk na ŭstojlivaść płaciežnaha bałansu», — miarkujuć ekśpierty Suśvietnaha banka.
Uličvajučy nižejšy, čym čakałasia, prytok pramych zamiežnych inviestycyj, «vykanańnie dadzienych abaviazacielstvaŭ budzie spałučana z surjoznymi ciažkaściami dla ekanomiki, asabliva va ŭmovach nacisku likvidnaści na suśvietnych finansavych rynkach», prahnazuje bank.
Uličvajučy, što «słabyja pakazčyki ekanamičnaj dziejnaści buduć praciahvać akazvać niehatyŭny ŭpłyŭ», čakajecca biudžetny deficyt (0,7% VUP). «U toj ža čas bolš značnyja, čym čakałasia, pracentnyja subsidyi i płaciažy pa absłuhoŭvańni źniešniaha doŭhu (z pryčyny pasłableńnia rubla) stvorać nacisk na biudžetnyja raschody», — adznačajuć ekśpierty Suśvietnaha banka.
Aŭtary ekanamičnaha ahladu taksama źviartajuć uvahu na rost nacisku na rachunak biahučych apieracyj płaciežnaha bałansu.
«U studzieni—žniŭni 2013 hoda chutkaje skaračeńnie ekspartu (-22,7% u cenach FOB) pieravysiła padzieńnie impartu (-10,4%), u vyniku čaho deficyt źniešniaha handlu tavarami skłaŭ amal 2 miljardy dołaraŭ ZŠA (ŭ paraŭnańni z praficytam u 2,3 miljarda hodam raniej), što skłała 2,8% VUP u hadavym vyražeńni. Pavieličeńnie deficytu źniešniaha handlu naroŭni z admoŭnymi čystymi pastupleńniami ekspartnych mytnych pošlin na naftapradukty zastavalisia asnoŭnymi pryčynami deficytu rachunku biahučych apieracyj, jaki ŭ pieršaj pałovie 2013 hoda pieravysiŭ 3 miljardy dołaraŭ ZŠA», — havorycca ŭ ahladzie Suśvietnaha banka.
Paharšeńnie situacyi ŭ płaciežnym bałansie, kanstatujuć ekśpierty, pryvodzić da źnižeńnia zołatavalutnych reziervaŭ Biełarusi.
«Z pačatku hoda zołatavalutnyja reziervy (za minusam manietarnaha zołata) skaračalisia, dasiahnuŭšy ŭzroŭniu ŭ 5,5 miljarda dołaraŭ, ci prykładna 1,6 miesiaca tavarnaha impartu. Nacisk na płaciežny bałans uzmacniajecca za košt značnych abaviazacielstvaŭ pa pahašeńni źniešniaha doŭhu, uklučajučy MVF», — kanstatujuć ekśpierty Suśvietnaha banka.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2020
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»20
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary