Za pornarolik na BiełMuzTV videainžynier praviadzie 2 hady ŭ kałonii
Da jaho buduć prymienieny prymusovyja miery biaśpieki i lačeńnia.
Jak paviedamiŭ staršy pamošnik prakurora Minska Siarhiej Bałašoŭ, 28-hadovaha byłoha videainžyniera BiełMuzTV pryznali vinavatym ŭ vyrabie i raspaŭsiudžvańni parnahrafičnych materyjałaŭ. Prysud vynieśli 15 žniŭnia. U zakonnuju siłu jon nie ŭstupiŭ.
Padčas dziažurstva na telekanale BiełMuzTV małady čałaviek 13 krasavika ŭnios źmieny ŭ płej-list: puściŭ u efir pornarolik. A sam źbieh. Rolik spynili tolki na 12-j chvilinie. A kali zatrymali videainžyniera, svoj učynak jon patłumačyŭ słovami: «Mianie ŭsio zadziaŭbło, i tamu ja tak zrabiŭ».
Padčas śledstva abvinavačvany pryznaŭ vinu poŭnaściu, pry hetym rastłumačyŭ, što pajšoŭ na taki ŭčynak z ułasnaj inicyjatyvy, metanakiravana, zahadzia spłanavaŭšy. Abvinavačany aktyŭna supracoŭničaŭ sa śledstvam.
Apieratyŭnikam padčas śledstva stała viadoma, što małady čałaviek złoŭžyvaŭ ałkaholem i vykazvaŭ namier skončyć žyćcio samahubstvam. Ale tady ekśpierty vyznačyli, što ŭ prymusovych mierach biaśpieki i lačeńnia jon nie maje patrebu. Na sudzie ŭsio źmianiłasia. Padčas adsiedki ŭ kałonii ahulnaha režymu jon projdzie jašče i lačeńnie. Akaličnaści zachvorvańnia ŭ prakuratury nie kamientujuć.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary