Prezident Vieniesueły śpić nie z žonkaj, a la mahiły Uha Čavesa
Prezident Vieniesueły Nikałas Madura praciahvaje ździŭlać. Hetym razam jon pryznaŭsia, što dastatkova časta bavić nočy nie z žonkaj, a ŭ tavarystvie pamierłaha Uha Čavesa, addajučy pieravahu spańniu nie ŭ łožku, a ŭ maŭzalei, dzie spačyvajuć astanki byłoha prezidenta.
Važna razumieć, što svaju dziŭnuju zajavu vieniesuelski prezident zrabiŭ nie ŭ pryvatnaj hutarcy z
«Časam ja prychodžu siudy nočču, kładusia spać tut, i tak było nie adnojčy, a šmat raz. Vy na heta nie źviarnuli ŭvahu, a susiedzi zaŭvažyli. My ŭvachodzim i zastajemsia tut načavać, razvažać».
Maŭzalej, dzie spačyvajuć astanki Uha Čavesa, znachodziacca na ŭskrainie Karakasa, h.zn. dastatkova daloka ad prezidenckaj rezidencyi.Da mahiły nastaŭnika Nikałas Madura, jaki maryŭ zabalzamavać cieła Čavesa, prychodzić pa načach u pošukach natchnieńnia. Madura śćviardžaje, što pobač z marmurovym sarkafaham jamu lepš dumajecca, a rašeńni dziaržaŭnaj važnaści prymajucca kudy lahčej, čym u pracoŭnym kabiniecie. Da hetaha Nikałas Madura raspaviadaŭ vieniesuelcam, što duch Čavesa źjaŭlajecca da jaho ŭ śnie ŭ vobrazie ptuški i nastaŭlaje na šlach praŭdzivy.
Žadańnie dakazać mistyčnuju suviaź z pamierłym kamandante stała dla Nikałasa Madura dakučlivaj idejaj. Haziety žartujuć, što dalej prezident zajavić, što ŭ jaho ŭsialiŭsia duch Uha Čavesa i budzie kiravać ad jaho imia.Akramia mistyčnych u ciapierašniaha ŭrada i prezidenta Vieniesueły, amal niama nijakich pośpiechaŭ. Inflacyja pa vynikach hoda dasiahnie 35%, heta samy vysoki pakazčyk u śviecie. Pieryjadyčna ŭźnikaje deficyt praduktaŭ, u niekatorych rehijonach užo pryjšłosia ŭvieści kartačnuju sistemu dla niezabiaśpiečanych słajoŭ nasielnictva. Elektrasistema krainy mocna znošanaja, i błekaŭty zdarajucca ŭsio čaściej i čaściej.
A prezident, tym časam, adkryvaje vulicy Uha Čavesa, arhanizoŭvaje instytuty pa vyvučeńni spadčyny Čavesa, zarehistruje šlub z hienieralnym prakuroram krainy, ź jakoj doŭhija hady žyŭ u hramadzianskim šlubie, i ŭ Tvitary vyśviatlaje adnosiny sa śpievakom Ryki Marcinam.
A kab nie stvarałasia ŭražańnia, što ŭ jaho žyćci ŭsio spakojna, vieniesuelskija śpiecsłužby raskryvajuć čas ad času zmovy z metaj zabojstva Nikałasa Madury.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie26
Kamientary