U Vilejskim rajonie były zek udaram u serca zabiŭ studenta Technałahičnaha ŭniviersiteta
Jon pryjechaŭ na kanikuły da baćkoŭ.
Zdareńnie adbyłosia ŭnačy z 8 na 9 lipienia. 18-hadovy Saša tolki skončyŭ pieršy kurs Technałahičnaha ŭniviersiteta. Pryjechaŭ u Vilejski rajon da mamy. Ad jaje adpraviŭsia da taty ŭ inšuju viosku, Abadoŭcy (baćki nie žyvuć razam). Tam jaho i spaścihła śmierć. Dva ŭdary nažom, adzin ź jakich — u serca.
«Ja ź im nie siabravaŭ, ale vučyŭsia ŭ škole, — raskazvaje Kola. —
Viadoma, što kala 2 hadzin jaho zarezaŭ niejki zek. Jany tam nibyta šumieli, kryčali. A hety mužyk vyjšaŭ z domu, i Saša jamu trapiŭsia. «Chutkaja» nie paśpieła pryjechać — mo i vyratavali b».
Siabroŭka zabitaha kaža, što chłopiec staŭ vypadkovaj achviaraj. «Hety zek spačatku bieh za inšym, ale toj chłopiec źbieh. A Saša prosta trapiŭsia pad ruku.
My byli razam u hety viečar praktyčna da samaha zdareńnia. My tolki syšli, jak adrazu pačuli kryki. Viarnulisia, ale ž było pozna. Toj čałaviek biehaŭ z nažom. Navat kali «chutkaja» pryjechała, jon usio chadziŭ z nažom u rukach pa dvary. Jamu było abyjakava».
Jak stała viadoma «NN», kampanija hrukałasia da mužčyny ŭ dom — zabaŭlałasia. Tolki maładziony nie viedali, što haspadar, 1976 hoda naradžeńnia, užo byŭ sudzimy za zabojstva. U tuju noč jon byŭ jašče i pjany. Jaho zatrymali paśla zdareńnia. Ciapier jon moža viarnucca za kraty na čverć stahodździa.
Padazravany ŭ zabojstvie — hramadzianin Rasii, jon maje dazvoł na časovaje pražyvańnie ŭ Biełarusi.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary