«Ekamiedservis» vykazaŭ spačuvańni rodnym dziaŭčyny, što pamierła paśla płastyčnaj apieracyi
Spačuvańnie ad imia «Ekamiedservisu» vykazaŭ staršynia Savieta zasnavalnikaŭ kampanii Uładzimir Kajava, raźmiaściŭšy jaho na sajcie otzyvy.by.
«Kalektyŭ miedycynskaha centra «Ekamiedservis» ščyra vykazvaje hłybokija spačuvańni rodnym i blizkim našaha pacyjenta, i smutkuje razam ź imi, — havorycca ŭ spačuvańni, jakoje było apublikavana 27 krasavika. — Ciapier pravodzicca razbor zdareńnia, da zaviaršeńnia jakoha kančatkovyja vysnovy ab pryčynach, što pryviali da trahiedyi, rabić dačasna. Z metaj vykanańnia zakanadaŭstva Respubliki Biełaruś, jakoje rehuluje pytańni miedycynskaj tajny, kamientavać u ŚMI heta pytańnie nam nie ŭjaŭlajecca mahčymym».
Jak paviedamlałasia raniej, u kancy sakavika ŭ miedycynskim centry była zroblena apieracyja pa rynapłastycy 23-hadovaj žycharcy Hrodna.
Paśla apieracyi pacyjentka ŭpała ŭ komu i nie vychodziła z hetaha stanu prykładna miesiac. Tak i nie pryjšoŭšy ŭ prytomnaść, dziaŭčyna pamierła 23 krasavika ŭ 4-j kliničnaj balnicy Minska. Pravaachoŭnyja orhany pravodziać pravierku pa fakcie śmierci.
«Ekamiedservis» — adna z samych prestyžnych pryvatnych klinik u Minsku. Jana mieścicca na vulicy Tałstoha, kala vakzała. Śpiecyjalizujecca na pasłuhach płastyčnaj chirurhii, stamatałohii, dyjahnostyki. U internecie śćviardžałasia, što ŭdzieł u hetym biznesie maje Uładzimir Piefcijeŭ, były ŭłaśnik «Biełtecheksparta» i čałaviek, jaki trapiŭ pad sankcyi Jeŭrasajuza jak mahčymy finansist Alaksandra Łukašenki.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach1
Kamientary