Udzielniki navapołackaha incydentu padali ŭ sud na kantralorku Šachlinu
Navapołacki haradździeł Śledčaha kamiteta skončyŭ papiaredniaje śledstva pa našumiełaj spravie ab źbićci kantralorki aŭtaparka № 6 Ludmiły Šachlinaj. Śledčyja ŭličyli čystasardečnaje raskajańnie jaje kryŭdziciela Alaksandra Blinova, a taksama jaho stanoŭčyja charaktarystyki i poŭnaje pakryćcio naniesienaj im škody, i źniali ź jaho kryminalnuju adkaznaść. Akramia taho, paciarpiełaja sama chadajničała ab spynieńni spravy.Darečy, paśla incydentu jana bolš nie pracuje kantralorkaj.
Takoje raźvićcio spravy davoli niečakanaje. Heta padobna na miravoje pahadnieńnie pamiž bakami, ale pakul niajasna tolki, chto jaho inicyjavaŭ.
Adnak historyja ŭ navapołackim aŭtobusie ŭ chutkim časie moža atrymać novaje raźvićcio. Inšyja ŭdzielniki kanfliktu — siamja, za jakuju zastupiŭsia Blinoŭ, — padajuć na byłuju kantralorku Šachlinu ŭ sud.«Z našym synam miesiac zajmaŭsia psichołah, małoha ciapier u aŭtobus siłaj nie zaciahnieš», — raskazaŭ karespandentu niepasredny ŭdzielnik kanfliktu, jaki nazvaŭsia Iharam. Vyniki miedekśpiertyzy paćvierdzili najaŭnaść u jaho žonki pabojaŭ. «My ŭžo padavali zajavu ŭ sud. Ale tam skazali čakać zaviaršeńnia papiaredniaha rasśledavańnia».
Pa jaho słovach, ich z žonkaj dvojčy vyklikali dla dačy śviedčańniaŭ pa spravie. Ładzili im vočnuju staŭku ź inšymi ŭdzielnikami zdareńnia. A potym jany ŭžo z ułasnaj inicyjatyvy cikavilisia chodam spravy. Rozhałas vakoł zdareńnia ŭ Navapołacku ŭžo prycich. U haradskich aŭtobusach źjavilisia videakamiery.
U cełym Ihar zadavoleny vynikam rasśledavańnia, ale pry hetym pierakanany, što ź Blinova treba źniać usiu adkaznaść za jahony ŭčynak.
-
«Usiu vyhadu ad hetaha zajmieje Maskva i Pucin». Paźniak daŭ acenku vizitu Cichanoŭskaj va Ukrainu
-
Jak buduć raźvivacca padziei, kali Maskva znoŭ, jak i ŭ 2022, pačnie nanosić udary pa Kijevie z terytoryi Biełarusi? Mahčymyja scenary
-
Kaleśnikava: Ja nikoli nie kažu pra vajennyja sankcyi. Ale isnuje spartyŭny trek, pamiežnyja pytańni, miedycyna — usio što zaŭhodna
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa14
Kamientary