Alaksandr Łukašenka pavinšavaŭ sa śviatam chryścijan Biełarusi, jakija śviatkujuć Božaje Naradžeńnie (Rastvo Chrystova).
Łukašenka adznačyŭ, što śvietłyja kaladnyja dni prynosiać z saboj asablivuju atmaśfieru, jakaja ŭzvyšaje nad budniami ŭ radasnym čakańni cuda. «Prostaja jevanhielskaja historyja, jakaja adbyłasia bolš jak dźvie tysiačy hadoŭ tamu, i siońnia natchniaje miljony ludziej va ŭsim śviecie, zaachvočvajučy ich stać čyściejšymi i dabrejšymi, nakiravać siły na dapamohu blizkamu, adkryŭšy sercy nasustrač miłasernaści i lubovi», — havorycca ŭ vinšavańni.
Jonpadkreśliŭ: «U Biełarusi vierniki pa staradaŭniaj tradycyi adznačajuć heta siamiejnaje śviata ŭ asiarodździ blizkich kala damašniaha ačaha, adčuvajučy nieparyŭnaść rodnasnych poviaziaŭ i dzielačysia adzin z adnym usimi bahaćciami dušy. Upeŭnieny, što vy, maje darahija suajčyńniki, sustrakajecie jaho ŭ dobrym nastroi, z udziačnaściu ŭspaminajučy adychodziačy hod i z nadziejaj hledziačy ŭ budučyniu. Niachaj ža Rastvo abjadnoŭvaje nas, dapamahaje rabić dabro i pracavać dziela praćvitańnia našaj cudoŭnaj Biełarusi».
Łukašenka pažadaŭ suajčyńnikam mocnaha zdaroŭja, pośpiechaŭ va ŭsich spravach i pačynańniach, ździajśnieńnia žadańniaŭ, ščaścia i dabrabytu.
Kamientary