U aŭtorak uviečary stała viadoma, što Alaksandar Kazulin razryvaje adnosiny z Alaksandram Milinkievičam. Jany nie syšlisia ŭ pohladach na budučyniu namiotavaha haradka. Kazulin prapanuje źniacca i sabracca iznoŭ 25 sakavika. «Heta vybar moładzi — stajać da kanca. I ja budu ź imi», — kaža Milinkievič. Čaho bolej u supracy palitykaŭ — plusoŭ ci minusaŭ?
Fota Andreja Lankieviča
U aŭtorak uviečary stała viadoma, što Alaksandar Kazulin razryvaje adnosiny z Alaksandram Milinkievičam. Jany nie syšlisia ŭ pohladach na budučyniu namiotavaha haradka. Kazulin prapanuje źniacca i sabracca iznoŭ 25 sakavika. «Heta vybar moładzi — stajać da kanca. I ja budu ź imi», — kaža Milinkievič. Čaho bolej u supracy palitykaŭ — plusoŭ ci minusaŭ?
Aleś Ancipienka, filozaf, kulturolah:
U hetym supracoŭnictvie było mała pazytyŭnaha. Ja nie prychilnik sp.Kazulina i na jaho kampaniju hladzieŭ ź vialikim skiepsisam.
Viktar Karniajenka, namieśnik kiraŭnika štabu A.Milinkieviča:
Dla Kazulina było bolej plusoŭ, dla Milinkieviča — minusaŭ. Kazulin nie paśpieŭ stać papularnym palitykam i padčas kampanii pačaŭ vykarystoŭvać aŭtarytet Milinkieviča. Faktyčna, jon prosta zaskočyŭ u apošni vahon ciahnika, jaki ad jaho sychodziŭ.
Anatol Sidarevič, historyk:
Kolki siabie pamiataju ŭ palityčnaj systemie Biełarusi, stolki sacyjał-demakraty byli niepažadanaj partyjaj i dla BNF, i dla AHP. Sacyjał-demakraty ich ciešać tolki słabyja, kali kładucca pad ich. Tamu tut nijakaha plusu być nia moža.
Anatol Šumčanka, pradprymalnik:
Plusoŭ ja nia baču, tolki adzin minus, i pry hetym vialiki. Ja schilajusia pierad mužnaściu hetych ludziej, jakija kinuli vyklik uładam, ale jany nie atrymali hałoŭnaha dla palityka – vyniku. Čaho damahlisia? Milinkievič i Kazulin praviali palityčnuju pijar-kampaniju, ludzi ich paznajuć. Ale što dalej? 19-ha pryjšli na płošču, pastajali — a zranku ŭsie pajšli na pracu. I adzin, i druhi kandydat zhulali pa praviłach Łukašenki.
Michał Pliska, juryst, palitolah:
Lepš, kaniečnie, było b, kab byŭ adzin kandydat ad apazycyi. Ale ŭ tych umovach, u jakich pravodziłasia pieradvybarčaja kampanija, prysutnaść druhoha kandydata nia mocna naškodziła. Minus, što niama damoŭlenaści pra adziny padychod da dalejšaha supracivu na płoščy.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju3
Kamientary