Naviny ścisła

«Nardzin» začyniajuć

Ministerstva achovy zdaroŭja 28 červienia adklikała licenziju pryvatnaha medycynskaha centru «Nardzin» za hrubaje parušeńnie licenzijnych patrabavańniaŭ, vyjaŭlenaje padčas kompleksnaj pravierki centru ŭ krasaviku. 1 lipienia sud pačnie razhlad spravy pryvatnaha «Ekamedservisu», jaki abskardžvaje anulavańnie ministerstvam svajoj licenzii.

Vajna babram

Papulacyja babroŭ u Biełarusi pieravysiła dapuščalnyja normy — 45 tys. asobin. Babry škodziać lasam, paletkam, daroham, miarkujuć u Akademii navuk. Praz pavieličeńnie ich žyćciovaj prastory skaraciŭsia areał pražyvańnia aleniaŭ, kazulaŭ. Ekolahi prapanujuć łavić štohod 3—4 tys. žyviolin, kažučy, što babior — heta nia tolki pušnina, ale i 30 kh miasa.

«Hurtam» i baćku dobra bić

Hrupa maładych ludziej stvaraje hramadzianskuju inicyjatyvu infarmacyjnaj padtrymki «Hurt» (kaardynatar — Jury Hurtoŭski). Inicyjatyva stavić na mecie padavać praŭdzivuju i biescenzurnuju infarmacyju pra padziei ŭ Biełarusi jak maha bolšamu kołu ludziej: aktyvist arhanizacyi na pryntery ci ŭ internet-kaviarni razdrukuje dziasiatak kopij infarmacyjnaha listka «Hurtu» i zakinie ŭ skryni susiedziam u padjeździe. Tak za karotki čas infarmacyja dojdzie da sotniaŭ ludziej. Biuleteń maje vychodzić raz na tydzień.

Prezydent sankcyjanuje zbory

29 červienia prezydent vydaŭ ukaz, pavodle jakoha abłsavietam dajecca prava ŭvodzić zbor ź fizyčnych asobaŭ pry pierasiačeńni imi dziaržaŭnaj miažy.

KDB na varcie intaresaŭ BiełAZu

Upraŭleńnie KDB da Miensku i Mienskaj vobłaści zaviało kryminalnuju spravu pa naniasieńni škody Biełaruskamu aŭtamabilnamu zavodu. Škoda ŭ vielmi bujnym pamiery pryčynienaja ŭ vyniku realizacyi ŭ 2003 h. kantraktu z adnoj rasiejskaj kamercyjnaj strukturaj. Kantrakt praduhledžvaŭ pastaŭku na pradpryjemstva častak dla aŭtamabilaŭ.

Filina dyskvalifikavali

Mižnarodnaja federacyja chakieju dyskvalifikavała na dva hady forvarda zbornaj Biełarusi i mienskaha «Dynama» Cimocha Filina. Filina zaśpieli na dopinhu na čempijanacie śvietu ŭ traŭni, što pakazaŭ šmatrazovaje pieravyšeńnie ŭ kryvi chakieista zabaronienaha narandrasteronu i nandrałonu.

Zakon ab partyjach

Pałata pradstaŭnikoŭ 29 červienia pryniała ŭ druhim čytańni papraŭki ŭ zakon ab palityčnych partyjach. Siarod jahonych navinaŭ — uviadzieńnie pracedury prypynieńnia dziejnaści partyj na termin da šaści miesiacaŭ.

Kazulincaŭ zarehistravali

Ministerstva justycyi zarehistravała źmianieńni ŭ statucie Biełaruskaj sacyjał-demakratyčnaj partyi «Narodnaja Hramada», źviazanyja sa źmienami ŭ partyi. Ciapier partyja budzie zvacca BSDP «Hramada». 10 lipienia sacyjał-demakraty zrobiać piatuju sprobu pravieści źjezd, jaki b pryznaŭ Minjust.

AH; svaboda.org, interfax.by

• 0
• 0
• 0
• 0
• 0
• 0
• 0
• 0