Навукоўцы з Масачусецкага тэхналагічнага інстытута (MIT) высветлілі, што ў зямной кары схавана каля квадрыльёна тон алмазаў. Аднак дастаць іх наўрад ці ўдасца, гаворыцца ў паведамленні на сайце інстытута.
Даследчыкі выявілі радовішчы алмазаў у выніку «прасвечвання» паверхні Зямлі гукавымі хвалямі. Даўжыня такіх хваляў змяняецца ў залежнасці ад тэмпературы і шчыльнасці рэчыва. У выніку эксперыменту навукоўцам атрымалася скласці мадэль будовы літасферы - цвёрдай абалонкі планеты.
Запасы алмазаў знаходзяцца ў кратонах - участках зямной кары, якія ўтвараюць кантыненты і размешчаных у цэнтральнай частцы пліт.
Каштоўныя камяні залягаюць на глыбіні ў 140-240 км ад паверхні Зямлі. Пакуль чалавеку недаступнае бурэнне на такія глыбіні таму выняць алмазы на гэтым этапе развіцця немагчыма, адзначаюць у MIT.
«Даследаванне паказвае, што алмаз, магчыма, не настолькі экзатычны мінерал: наадварот, у геалагічным маштабе ён даволі пашыраны. Вядома, дабрацца да гэтых алмазаў мы не можам, але іх значна больш, чым мы меркавалі раней», — кажуць навукоўцы.
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары