У Вашынгтоне забілі дваіх супрацоўнікаў пасольства Ізраіля. Яны збіраліся заручыцца
Супрацоўнікаў пасольства забілі вечарам у сераду каля Яўрэйскага музея, дзе праходзіла мерапрыемства, арганізаванае Амерыканскім яўрэйскім камітэтам.
Забітыя выходзілі з гэтага мерапрыемства. Падазраванага бачылі, як ён хадзіў туды-сюды побач з музеем перад стралянінай. Ён падышоў да групы з чатырох чалавек і адкрыў агонь з пісталета. Забітыя — мужчына і жанчына. Яны былі парай, якая збіралася заручыцца, піша CNN.
Паведамляецца, што стралок — 30-гадовы Эліас Гансалес, ён прыехаў з Чыкага.
Пэйдж Сігель, відавочца трагедыі, расказала CNN, што размаўляла з падазраваным перад тым, як зразумела, хто ён.
Падазраваны пасля страляніны забег у Capital Jewish Museum, дзе чакаў прыезду паліцыі, па словах праваахоўнікаў і некалькіх сведак.
«Я падышла да яго і спытала, ці ўсё з ім у парадку, пакуль ён паўтараў: «Выклікайце паліцыю». Ён сказаў, што ўсё добра. Я спытала, ці быў ён паранены — ён адказаў, што не», — успамінае Сігель.
«Ён быў так шакаваны, калі я з ім размаўляла, што здаваўся бяскрыўдным. Вядома, я тады не ведала, хто ён», — сказала яна.
Сігель дадала, што неўзабаве прыехала паліцыя і затрымала яго, у той час як ён крычаў: «Свабоду Палесціне!»
«Мы былі ў адным пакоі, яўрэі, сабраныя разам, каб ён мог па чарзе страляць. Тэрарыст сядзеў побач з намі на лаўцы», — падсумавала яна.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы16
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары