Мастачка прэзентавала ў Мінску выставу эратычнай мініяцюры + фота і відэа
Выстава адкрылася ў Музеі сучаснага выяўленчага мастацтва.
22 жніўня ў малой зале Музея сучаснага выяўленчага мастацтва (Мінск,пр-т Незалежнасці, 47) адкрылася выстава графікі Галіны Лазарчык «1+1=69».
Гэта серыя малюнкаў у жанры эратычнай мініяцюры, у якой аўтар працуе на працягу апошніх гадоў. Гумар і абагульненасць выяваў не пакідаюць месца для пошласці. Мастачка улоўлівае ўсе магчымыя нюансы асабістага жыцця, у якім ад смешнага да трагічнага — адзін крок.
«Шматвяковая гісторыя і ўся сусветная культура „напоўненыя“ ўзаемаадносінамі паміж мужчынам і жанчынай, — тлумачыць аўтар, — таму само каханне ўжо выступае як культурная каштоўнасць.У сваіх малюнках мне не хацелася быць аднабаковай, арыентуючыся толькі на ўзнёслыя эмоцыі. Адносіны паміж людзьмі шматгранныя і супярэчлівыя, а значыць, у іх ёсць месца эратызму, грубасці, утрапёнасці, здрадзе і г.д.
Мой праект пад назвай „1+1=69“ дэманструе як мага большую колькасць бакоў узаемаадносін паміж мужчынам і жанчынай».
«На вашых працах выявы таго, чаго вам не хапае?» — на гэтае правакацыйнае пытанне Галіна Лазарчык (на здымку 1) з усмешкай адказвае: «Не, гэта тое, чаго ў мяне занадта шмат».
Выстава працягнецца па 2 верасня.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм13
Каментары