Пра гэта Радыё Свабода паведаміў намеснік старшыні АГП Леў Марголін.
Усяго АГП вылучыць на выбары не менш за 50 так званых спікераў (кандыдатаў). Вылучацца будзе і старшыня партыі Анатоль Лябедзька, і пераважная бальшыня партыйнай Палітрады.
«Сёння-заўтра мы прызначым пазачарговы з’езд АГП для вылучэння нашых спікераў у якасці кандыдатаў у дэпутаты. Я думаю, што з’езд адбудзецца напрыканцы ліпеня. Таксама мы правядзем пасяджэнне палітрады для таго, каб вылучыць нашых кандыдатаў у склад акруговых камісій. Гэта такая даволі аб’ёмная справа. Абласныя рады таксама павінны вылучыць сваіх прадстаўнікоў у склад участковых камісій. Тыя з нашых спікераў, хто будзе фармаваць ініцыятыўныя групы, таксама гэта павінны зрабіць да сярэдзіны ліпеня. Мы рыхтуем матэрыялы, якімі будзем даводзіць людзям пра стан сённяшняй дэмакратыі ў краіне, пра адсутнасць рэальных выбараў. І пра тое, што сумленныя, празрыстыя выбары — гэта адзіны шлях да новай Беларусі, таксама да матэрыяльнага дабрабыту. Нам вельмі важна, каб наша думка прагучала найбольш аўтарытэтна з вуснаў такіх людзей, як Анатоль Лябедзька і Станіслаў Багданкевіч».
Каментары