Вясковая патасоўка скончылася дзвюма смерцямі.
Бойка адбылася ўначы 7 чэрвеня каля Дома культуры ў в. Аздамічы Столінскага раёна.
Кампанія мясцовых маладых людзей выпівала ў двары непадалёк, калі да клуба пад’ехалі «чужыя», хлопцы з Бярозаўскага раёна.
З чаго пачалося высвятленне адносінаў, невядома. Але скончылася бойкай: шасцёра вяскоўцаў супраць чатырох прыезжых. У руках з’явіліся нажы. У выніку
20-гадовы Іван Паўловіч ад атрыманых траўмаў памёр па дарозе ў бальніцу.
Чатырох шпіталізавалі. Трое атрымалі нязначныя раненні — пасля агляду іх адпусцілі. (Такім чынам, зусім не пацярпелі толькі два ўдзельнікі бойкі з дзесяці.)
У забойстве падазраюцца 24-гадовы жыхар в. Нівы Бярозаўскага раёна і 19-гадовы жыхар Белаазёрска. Апошні раней быў судзімы за крадзеж. Яго і затрымалі на месцы бойкі. А другі паспеў з’ехаць.
Яго знайшлі павешаным у Тураве, у суседнім Жыткавіцкім раёне.
Крымінальная справа заведзеная па п.13 ч.2 арт.139 (забойства з хуліганскіх меркаванняў) Крымінальнага кодэкса Беларусі. Гэты артыкул прадугледжвае пакаранне аж да расстрэлу.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах13
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння33
Каментары