Нарвежскі тэрарыст Андэрс Брэйвік, ад чыіх рук у ліпені мінулага года загінулі 77 чалавек, з 10 студзеня атрымае дазвол на спатканні.
У ноч з панядзелка на аўторак яму дазволяць слухаць радыё, глядзець тэлевізар і чытаць газеты. Акрамя таго Брэйвік, які знаходзіцца цяпер у блоку для асабліва небяспечных злачынцаў турмы «Іла», атрымае магчымасць мець кантакты з журналістамі і даваць інтэрв’ю.
Як распавёў дырэктар турмы Кнут Б’яркейт, наведванні «нарвежскага стралка» будуць праходзіць у пакоі са шкляной перагародкай, у прысутнасці наглядчыкаў, альбо праслухоўвацца з суседняга памяшкання. Саміх наведнікаў чакае працэдура пільнай праверкі, уключаючы дагляд пры дапамозе службовых сабак.
Паводле словаў адвакатаў Брэйвіка, вялікая колькасць прыватных асоб і прадстаўнікоў СМІ ўжо выказалі жаданне наведаць тэрарыста ў турме.
Каментары