Памяшканне аддаюць інвестару Мінскага гадзіннікавага заводу.
«Беларуская чыгунка» на дзвярах сваіх кас, размешчаных у цэнтры горада, на праспекце Незалежнасці, 18, размесціла аб'яву, у якой інфармуе кліентаў, што
з 26 снежня касы закрываюцца.Прычына - сканчэнне тэрміну дамовы.
У ЖРЭА Ленінскага раёна, на якое спасылаюцца ў аб'яве, кажуць, што ініцыятыва непрацягу дамовы зыходзіла не ад іх, а з Мінгарвыканкама. «У нас да іх ніякіх прэтэнзій, арэндную плату ўносілі заўсёды своечасова, касы ў цэнтры горада ўсім патрэбныя. Але
прадпісанне прыйшло з гарвыканкама», —адзначылі ў ЖРЭА.
У Мінскім гарадскім цэнтры нерухомасці тлумачаць, што памяшканне будзе выкарыстоўвацца інвестары Мінскага гадзіннікавага заводу.
Нагадаем, што ў канцы 2010 года швейцарская кампанія «Франк Мюлер» выкупіла 52% акцый ААТ «Мінскі гадзіннікавы завод». Аб'ём інвестыцый у капітал акцыянернага таварыства склаў тады 36,5 мільярда рублёў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары