Старшыня прафсаюзу РЭП (радыёэлектроннай прамысловасьці) Генадзь Фядыніч быў сёння ў Нацыянальным аэрапорце Мінска зняты з авіярэйса і дастаўлены ў суд Савецкага раёну сталіцы.
Як паведаміў агенцтву БелаПАН прэсавы сакратар прафсаюза РЭП Мікалай Герасіменка, прафсаюзны лідэр накіроўваўся ў Прагу на пасяджэнне цэнтральнага камітэту Міжнароднай фэдэрацыі металургаў (МФМ).
Фядыніча абвінавацілі ў арганізацыі 8 кастрычніка несанкцыянаванага масавага мерапрыемства (Народнага сходу). Яго даставілі ў РУУС Савецкага раёна, а затым завезлі ў суд. Фядыніч адмовіўся ўдзельнічаць у судовым працэсе без адваката.
Цяпер калегі Генадзя Фядыніча разам з адвакатам накіроўваюцца ў суд Савецкага раёна Мінска, дзе суддзя Кірыл Палулех будзе судзіць прафсаюзнага лідара за падрыхтоўку і правядзенне Народнага сходу.
Мікалай Герасіменка адзначыў, што "затрыманне і суд арганізаваныя праз два тыдні пасля Народнага сходу. Генадзь Фядыніч увесь гэты час знаходзіўся ў Мінску і быў цалкам даступны для супрацоўнікаў праваахоўных органаў. Тым не менш, затрымалі яго толькі сёння, у аэрапорце, у час вылету ў Прагу на пасяджэньне ЦК МФМ -- міжнароднай прафсаюзнай фэдэрацыі, якая прадстаўляе інтарэсы 25 мільёнаў працаўнікоў з 200 прафсаюзных арганізацый у 100 краінах свету".
Той самы суддзя Кірыл Палулех аштрафаваў за правядзенне Народнага сходу яшчэ аднаго арганізатара гэтай акцыі Віктара Івашкевіча на 40 базавых велічыняў (1 млн 400 тыс. рублёў).
Фядыніча аштрафавалі на 1 млн 400 тыс.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Каментары