Чыгуначны гандлёвы шлях зь Нямеччыны ў Кітай пройдзе празь Беларусь
«Нямецкія чыгункі» раскручваюць праект хуткаснай магістралі ад Нямеччыны да Кітаю. Чакаецца, што гэта будзе праект з рэкорднымі паказьнікамі прыбытку.
Deutsche Bahn AG раскручваюць праект хуткаснай чыгункі ад Нямеччыны да Кітаю. Грузавыя перавозкі будуць ажыцьцяўляцца ў тым ліку празь Беларусь.
«Я думаю, ужо праз колькі гадоў можна будзе езьдзіць з Шанхаю ў Кёльн», - заявіў кіраўнік нямецкіх чыгунак Гармут Мэдарн (Hartmut Mehdorn). Увесь шлях зойме дванаццаць дзён – значна меншы час, чым той самы маршрут на караблі.
Новая чыгунка будзе спрыяць разьвіцьцю гандлёвых сувязяў Эўропы з Кітаем, эканоміка якога разьвіваецца імклівымі тэмпамі, а таксама з Усходняй Эўропай. Мэдарн падлумачыў, што для ажыцьцяўленьня грузавых перавозак неабходны выхад да партоў. Значная роля надаецца порту ў Гамбургу.
Па зьвестках Мэдарна, праект чыгункі мае на мэце рэкордныя паказьнікі. Таваразварот чакаецца на ўзроўні каля 30 мільёнаў эўраў, прыбытак ад падаткаў – 2 мільёны эўраў.
Каментары