200 г свіных костачак, 1 морква, 1 корань пятрушкі, 250 г вэнджанай свіной грудзінкі (ці свіной каўбасы), 50 г шмальца, некалькі зубкоў часнаку.
Для закваскі: 400 г жытняй, пытляванай або аўсянай мукі, 200 г вады, некалькі скарынак чорнага хлеба, цэлыя зубкі часнаку (па смаку).
Жур — старадаўні беларускі суп, які згадваецца ў паэме «Тарас на Парнасе» і гатуецца на аснове закваскі з мукі, якая і называецца журам. Гэты суп таксама папулярны ў польскай кухні.
Прыгатаваць закваску: у шкляным ці керамічным посудзе развесці цёплай кіпячонай вадой муку, дадаць хлеб і часнок, добра перамяшаць, пакінуць у цёплым месцы на 3—4 дні. Кожны дзень акуратна перамешваць закваску. Калі закваску набудзе прыемны кіслы смак і своеасаблівы водар — працадзіць і выкарыстаць для прыгатавання супа-жура. (Пры патрэбе закваску можна захоўваць на працягу некалькіх дзён у халодным месце).
Са свіных костачак і карэння зварыць юшку, працадзіць, дадаць жур, пасаліць, пракіпяціць. Грудзінку (ці каўбасу) нарэзаць кубікамі, падсмажыць на шмальцы, дадаць у суп. Дадаць у суп таксама зваранае укрутую яйка (парэзанае) і расцёрты з соллю часнык. Яшчэ раз пракіпяціць.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары