Актывіст Сяргей Сямёнаў падрыхтаваў спэцыфічны падарунак для супрацоўнікаў мытнай службы. Улічваючы пастаянную цікавасьць да яго асобы падчас перасячэньня мяжы, маладзён узяў з сабой CD з надпісам «How to make revolution in Belarus», на якім была запісана інфармацыя эратычнага зьместу.
Актывіст Сяргей Сямёнаў падрыхтаваў спэцыфічны падарунак для супрацоўнікаў мытнай службы. Улічваючы пастаянную цікавасьць да яго асобы падчас перасячэньня мяжы, маладзён узяў з сабой CD з надпісам «How to make revolution in Belarus», на якім была запісана інфармацыя эратычнага зьместу.
На днях Сяржук Сямёнаў перасякаў украінска-беларускую мяжу. Як звычайна, ягоныя асабістыя рэчы пільна даглядалі мытнікі. Супрацоўнікаў мытнай службы асабліва зацікавіла кружэлка з надпісам «Як рабіць рэвалюцыю». У выніку, быў складзены пратакол і дыск канфіскавалі.
Паводле словаў актывіста, насамрэч на CD зьмяшчалася інфармацыя эратычнага зьместу. «Гэта было зроблена адмыслова, – паведаміў Сяржук Сямёнаў, – мне надакучыла, што кожнага разу пры перасячэньні мяжы мяне даглядаюць з асаблівай зацікаўленасьцю».
Нагадаем, што выпадкі пільнага догляду актывіста на мяжы здараліся і раней. Да прыкладу, у верасьні Сержука ўвогуле не хацелі выпускаць за межы краіны.
«Спадзяюся, азнаёміўшыся са зьместам гэтага дыску, – адзначыў маладзён, – хто-небудзь з супрацоўнікаў гэтага мытнага пункту ўсьвядоміць абсурднасьць дадзенай сытуацыі».
Цяпер чытаюць
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу3
Каментары