Вядучыя брытанскія акцёры правялі пікет перад амбасадай Беларусі + фоты
Яны запатрабавалі вызвалення палітвязняў.
Пікет салідарнасьці з палітвязьнямі ў Беларусі прайшоў перад беларускай амбасадай у Лёндане. Акцыя была арганізаваная праваабарончай арганізацыяй Index on Censorship і сабрала каля 50 чалавек.
На пікеце выступілі вядомы драматург Том Стопард і галівудзкі актор Іан МакКелен. Былі зачытаныя звароты некалькіх вядомых актораў і сцэнарыстаў у падтрымку беларускіх палітвязьняў. Перадусім тэатральныя дзеячы патрабавалі ад беларускіх уладаў вызваленьня ўдзельнікаў Свабоднага тэатра.
Выступіла сястра кандыдата ў прэзыдэнты Андрэя Саньнікава. Прадстаўнікі беларускай дыяспары ў Вялікай Брытаніі распаўсюдзілі заклік да правядзеньня новых прэзыдэнцкіх выбараў без удзела Аляксандра Лукашэнкі.
Перад гэтым у нядзелю перад амбасадай Беларусі прайшоў пікет салідарнасьці зь беларускай дэмакратычнай апазыцыяй, арганізаваны беларускай дыяспарай. Урад Вялікай Брытаніі асудзіў гвалт супраць удзельнікаў Плошчы з боку беларускіх спэцслужбаў.
Цяпер чытаюць
СК апублікаваў відэазапіс падзення беспілотніка. На абломках паказалі ўкраінскія надпісы33
Каментары