У Крыме 40-гадовы грамадзянін Беларусі скаваў ланцугом свайго 11-гадовага сына "за дрэнныя паводзіны".
"Бацька з сынам - грамадзяне Беларусі, прыехалі на адпачынак у Крым і спыніліся ў сяле Міхайлаўка Сакскага раёну. Са словаў хлопчыка стала вядома, што яны з бацькам прыехалі на адпачынак прыкладна ў 20-х днях чэрвеня. Бацька трымаў сына ў доме, збіваў, а ўвечары 18 ліпеня за дрэнныя паводзіны абматаў вакол шыі металічны ланцуг і замкнуў яго на замок", - паведамілі ў Галоўным ўпраўленні МУС Украіны ў Крыме.
Але хлопцу нейкім чынам ўдалося збегчы з дому і звярнуцца ў раённы аддзел міліцыі. Там ён і паведаміў пра бацькоўскія здзекі.
Праваахоўнікі неадкладна даставілі хлопчыка ў лякарню, дзе яму прадаставілі дапамогу, правялі судова-медыцынскую экспертызу. Як сцвярджаюць у праваахоўных органах, пагрозы жыццю хлопчыка няма, падлетак у нармальным стане. Аднак на шыі, грудной клетцы і на паверхні сцёгнаў ёсць ранкі.
Бацьку-садыста затрымалі. Зараз міліцыянты па гэтым факце вядуць праверку.
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках19
Каментары