На дарозе да Белавежскай пушчы разметка і знакі будуць свяціцца
На дарогах Брэсцкай вобласці праводзяцца работы па павышэнні бяспекі дарожнага руху. Асаблівая ўвага надаецца абароне пешаходаў і кіроўцаў, асабліва ў цёмны час сутак і пры неспрыяльным надвор'і, паведаміла прэс-служба Мінтранса.
На аўтадарозе Р83 «Брэст — Камянец — Нацыянальны парк «Белавежская пушча» пачалі ўкараняць новую сістэму падсветкі.
З дапамогай святлодыёдных праектараў дарожныя знакі і разметка будуць адлюстроўвацца непасрэдна на праезнай частцы. Гэта павінна зрабіць іх больш прыкметнымі ўначы, а таксама падчас туману ці дажджу, што дапаможа павысіць бяспеку руху.
Раней на гэтай самай дарозе ўжо з'явілася так званая музычная дарога. Яна стварае мелодыю пры руху аўтамабіля з пэўнай хуткасцю і служыць дадатковым сродкам для прыцягнення ўвагі кіроўцаў.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары