Банк Англіі плануе змяніць дызайн банкнот: замест гістарычных асоб на іх могуць з’явіцца выявы дзікіх жывёл, піша Politico.
Цяпер на банкнотах наміналам 5, 10, 20 і 50 фунтаў намаляваны вядомыя асобы — прэм’ер-міністр Уінстан Чэрчыль, пісьменніца Джэйн Осцін, мастак Уільям Цёрнер і матэматык ды інфарматык Алан Цьюрынг.
У мінулым годзе Банк Англіі правёў грамадскае апытанне адносна таго, якія выявы павінны быць на новых банкнотах. З 44 тысяч адказаў каля 60% удзельнікаў падтрымалі ідэю размясціць на іх выявы прыроды замест архітэктуры, гістарычных асоб, мастацтва ці значных падзей.
Улетку плануецца другое грамадскае абмеркаванне, каб вызначыць, якія менавіта элементы прыроды варта выкарыстаць. Спецыялісты дзікай прыроды складуць кароткі спіс магчымых варыянтаў. Сярод жывёл, якія могуць з’явіцца на банкнотах, называюць лісаў, барсукоў, баброў, вавёрак, выдраў, аленяў і цюленяў.
Новыя банкноты з’явяцца ў абарачэнні толькі праз некалькі гадоў. Галоўнай мэтай абнаўлення з’яўляецца павышэнне абароны грошай ад падробак.
Пры гэтым партрэт караля Карла III у любым выпадку застанецца на пярэднім баку банкнот.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары