У Польшчы зноў зафіксавалі парушэнне паветранай прасторы з Беларусі
Польскія вайскоўцы зноў зафіксавалі аб’екты, якія заляцелі з Беларусі ў паветраную прастору краіны.
«У ноч з 1 на 2 лютага 2026 года польскія вайсковыя радыёлакацыйныя сістэмы зафіксавалі ўваход у польскую паветраную прастору аб’ектаў, падобных да паветраных шароў. Маштаб беларускіх гібрыдных інцыдэнтаў быў значна меншы ў параўнанні з папярэднімі начамі. Супрацоўніцтва паміж Узброенымі сіламі Польшчы і службамі дзяржаўнай бяспекі дазваляе гэтым структурам аператыўна рэагаваць, у тым ліку канфіскоўваць аб’екты і затрымліваць асоб, падазраваных у датычнасці да гэтых інцыдэнтаў», — гаворыцца ў паведамленні Аператыўнага камандавання відаў Узброеных сіл Польшчы.
Каментары