Сяргей Лаўроў правёў прэс-канферэнцыю, прысвечаную вынікам 2025 года, і, у прыватнасці, заявіў, што краіны НАТО рыхтуюцца да вайны з Расіяй, піша Bild.
«Мэта нанясення Расіі стратэгічнага паражэння застаецца ў галаве і планах еўрапейскіх лідараў», — заявіў кіраўнік МЗС РФ.
Акрамя таго, Лаўроў адзначыў, што «праславутая ізаляцыя Расіі не адбылася, як бы ні казалі недабразычліўцы на Захадзе».
Таксама міністр замежных спраў Расіі пракаментаваў сітуацыю вакол прэтэнзій прэзідэнта ЗША Дональда Трампа на Грэнландыю. Паводле слоў Лаўрова, зараз на сусветнай арэне «ідзе гульня: хто мацнейшы, той і мае рацыю».
«Грэнландыя — гэта відавочны прыклад, пра які ўвесь час гавораць і вакол якога развіваюцца такія дыскусіі, што, увогуле, было цяжка ўявіць, што такое можа адбывацца раней, уключаючы перспектывы захавання НАТО як адзінага заходняга ваенна-палітычнага блока», — дадаў ён.
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку10
Каментары