Пасля рэкорднага наплыву кантрабандных балонаў з Беларусі намеснік міністра ўнутраных спраў Вайдас Якштас кажа, што ў якасці меры адказу ўрад пакуль не разглядае закрыццё мяжы, аднак не выключае, што такое рашэнне можа быць прынята ў будучыні, паведамляе alfa.lt.
«Ідэя (закрыць мяжу) заўсёды ёсць. Пакуль сапраўды не плануем закрываць мяжу, бо, відаць, гэта было б больш як дыпламатычная мера ўздзеяння, якая не вырашае праблему па сутнасці», — заявіў ён журналістам у панядзелак.
Паводле слоў намесніка міністра, толькі за ноч на панядзелак былі зафіксаваныя 57 выпадкаў кантрабандных балонаў.
«Трэба шукаць іншыя меры, якія дапамаглі б дасягнуць выніку, але мы ніколі не выключаем усе магчымасці», — запэўніў ён. У панядзелак Міністэрства эканомікі і інавацый (EIM) таксама паведаміла, што тры кансорцыумы прапанавалі найлепшыя тэхналагічныя рашэнні для барацьбы з кантрабанднымі балонамі — іх прадстаўляюць кампаніі «IT Logika», «Teltonika» і «Dangaus šviesos», кампаніі атрымаюць фінансаванне ў памеры 1 млн еўра.
Паводле слоў Якштаса, гэтая мера дапаможа вырашаць выклікі кантрабандных балонаў у доўгатэрміновай перспектыве.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары